19

🏁🔴🏁🔴🏁🔴🏁🔴🏁🔴

*🥀"ILM-E-GHAIB"🥀*

part 19'

Aayat 15.

Tarjuma. Aur tumhe batata hu jo tum khatey aur jo tum apne gharo me jama kar rakhte ho.

"Surah Al-Imran Aayat no. 49"

Yaani woh jo bhe chupate apne ghar ki 4 diwari me woh sab Hazrat Isa Alaihissalam ko khabar hai...

Imam Ali Bin Muhammad Al Khazin 765 Hijri me likhtey hain: Tarjuma: “Aap dekho khana Ghar me khaya aur rakha gaya, jahaan Hazrat Eesa

(Aleh Salam) Mojood nahin they, aur is ki Khabar Aap baaher de rahey hain,

Yeh hai Ilm-e-Ghaib”

Refrnece

Al-Baab ul Taweel Fi Ma’ani ul Tanzeel, Al-Maroof, Tafseer-e-Khazin, Jild 3, Page 19, Matboo’a Dar ul Ma’arfah, Beroot...

Yeh upper jo ibaarat likhi gai yeh aaj se 700 saal pehley ki hai, aur is me saaf saaf Ilm-e-Ghaib k alfaaz Hazrat Eesa alayhiasalam k liye istimal kiye gaey,

kisi Molvi ne is Ibaarat pe Shirk ka Fatawa kyon na lagaya ???

Imam Ali Bin Muhammad Al Khazin 765 Hijri me is k baad hi likhtey hain: Tarjuma “Yaani mai tumhen is ki Miqdaar, is ka rang aur puhanchney ka waqt khana puhanchney se Qabal hi bata dunga aur yeh k kaunsa khana tum ne kab aur kitna khaya hai tumhen is ki bhi khabar doonga”

Refrence

Al-baab ul taweel fi Ma’ani ul Tanzeel al Maroof tafseer al Khazin.

Imam Abdul Maalik bin Hasshaam 213 Hijri me likhtey hain:

Tarjuma:“Aayat se murad woh Mojizaat hain, jo Hazrat Eesa (Aleh Salam) k Dast-e-Aqdas se Zahoor pazeer hotey they,

AAP (Aleh Salam) Murdon ko Zindah kar detay they, woh mitti se Parindey ki shakal banatey phir is per Phoonk maartey to woh ALLAH k Hukum se Parindah ban jaata, mareez ko shifa’yab farmaa detay they, woh log jo kuch apney gharon me zakheerah kartey they, AAP is k Mutalliq inhen bata detay bohat se Uloom-e-Ghaibiyah ka izhaar farmaatey”

Refrence.

Al-Seerat un Nabuwiyyah, Al-Maroof, Seerat Ibn-e-Hasshaam, Jild 3, Page no 77, Matboo’a Dar ul Jeel, Beroot...

upper di gai ibaarat 213 Hijri me likhi gai

Yaani kareeb 1200 saw saal pehley,

aur is me saaf hai k Hazrat Eesa

(aleh Salam) Uloom-e-Ghaibiyah ki khaber detay they, aur zaahir hai insaan Ghaib ki khaber tab hi dega jab us ko khud Ghaib ka Ilm hoga,

(Yaani Ilm-e-Ghaib hoga)

ab jab Hazrat Eesa

(aleh Salam) ko ALLAH ki Ata se Ilm-e-Ghaib haasil hai, to Huzoor

(Sallalaho Alehe Wassallam) k pass bhi Attai Ilm-e-Ghaib manna hoga,

Kyon k Huzoor (Sallalaho Alehe Wassallam) ko ALLAH ki ata se tamaam Makhlooqaat se ziyadah Ilm hai..

Imam Abdur Razzaak Bin Hamaam San’aani 211 Hijri me Riwaayat kartey hain:

Tarjuma: “Qatadah (Rehmatullah Aleh) is Aayat-e-Kareemah k tahet farmaya, Mai tumhen Khabar deta hun un cheezon ki jo tum khaatey ho, aur jo tum Dastarkhuwaan me bachatey ho”

Refrence.

Tafseer-e-Abdur Razzaak, Jild 1, Page 121 to 122, Matboo’a Maktaba-tur-Rushd-ul-Riyaz)...

NOTE

Part 19..

ki post bahot ziyadah lambi honey se isko do hissao me kiya gaya hai.

Aaney wala hissa aayat 15 ka he hoga..

🔛Continue"

*📝SUNNI HANFI ORGANIZATION*

👑👑👑👑👑👑👑👑👑👑

*🏁MASLAKE AALA HAZRAT 🔴*