IMAM FAKHR UDDEEN RAAZI 606 HIJRI ME LIKHTEY HAIN 19 KA DOSRA HISSA

🏁🔴🏁🔴🏁🔴🏁🔴🏁🔴

*🥀"ILM-E-GHAIB"🥀*

*Part 19' ka Dosra hissa*

Imam Fakher uddeen Raazi 606 Hijri me likhtey hain:

Tarjuma: “Is Aayat ki tafseer me Do (2) Qaul hain, Pehla yeh k AAP ne pehli martabah Gaiyoob (Ghaib ki Jama) ki khabar us waqt di

(Sadi ne Riwaayat ki) k jab AAP Bacchon k saath Kheltey phir unhen un k Waalidaien k Af’aal ki Khabar detay, AAP Bachey ko khabar detay k us ki Maa ne Fulaan shey (Cheez) us k liye Fulaan jagah Chupa kar rakhi hai, bacha ghar aata aur Ro Ro kar woh Shey haasil kar leta,

un logon ne (Yaani un bachon k Maa Baap ne) Bachon se kaha k us Jaadugar k saath na khela Karen,

unhon ne tamaam Bachon ko ek Makaan me Jama kar diya,

Hazrat Eesa (Aleh Salam) ne in se Bachon k baare me dariyaaft farmaaya to unhone kaha k woh is makaan me nahin hain,

AAP ne (Yaani Hazrat Eesa alayhissalaam) ne pucha k acha phir is Makaan me kiya hai, to unhone

(Yaani Maa Baap) ne kaha k is Makaan me Khinzeer hain,

AAP (Hazrat EESA alayhissalam) ne farmaya, k aysa hi hoga,

phir jab Makaan ko dekha gaya to dekha k woh Bachey Khinzeer ban chukey they..

Dosra Qauol yeh hai k AAP (Hazrat Eesa alayhissalaam) ka Mojizah-e-Akhbar-e-Ghaib Ba-waqt-e-Nuzool-e-Maedah zaahir huwa, woh ayse k AAP (Hazrat Eesa alayhissalaam) ki Qaum ko (Maedah) k Jama karney aur Zakheerah karney se Mana kiya gaya tha,

is k Ba-wajood woh log jama kar liya kartey they, Hazrat Eesa (Aleh Salam) unhen is ki khabar diya kartey they”

Refrence.

Al-Tafseer-e-Kabeer, Jild 8, Page 57, Matboo’a Dar ul Fikar Beroot)

Imam Ali bin Muhammad Al-Khazin 765 Hijri me likhtey hain:

Tarjuma: “Aur mai tumhen batata hoon jo kuch tum kha kar aaey yaani us Shey (Cheez) k baare me batata hun jisey maine dekha bhi nahin aur jo kuch tum apne Gharon me jama kartey ho, yaani jo kuch tum ayendah kal k liye jama kartey ho, kaha gaya k Hazrat Eesa (Aleh Salam) ko kisi Shakhs ne jo Guzishta kal khaya tha aur jo aaj khaey ga, aur jo Raat k khaney k liye Jama karey ga sab ki khabar de detay they”

Refrenc.

Al Baab ul Taweel fi Ma’ani ul tanzeel al maroof tafseer-e-Khazin, Jild 1, Page 237, Matboo’a Dar ul Ma’arfah, Beroot)

Haaifz Imaad ud deen ismail bin umar bin Kaseer 774 Hijri me likhtey hain: Tarjuma:“Mai tumhen us shey (Cheez) ki khabar deta hoon jo tum me se kisi ne abhi abhi khaai hai aur us shey (Cheez) ki bhi jo aayendah kal k liye zakheerah ki hai”

Refrenc.

Tafseer-e-Ibn-e-Kaseer, Jild 1, Page 365, Matboo’a Dar ul Fikar, Beroot)

Imam-e-Kabeer Muhaddis Sha’heer Hafiz Hadees Abu Na’eem Ahmed Bin Abdullah Asfahaani 430 Hijri me riwaayat kartey hain: “Ager kaha jaey k Hazrat Eesa (Aleh Salam) Ghaib ki khabar diya kartey they aur woh sab kuch batla detay jo log gharon me khaa kar aatey aur jo kuch ghar me chor kar aatey they to Nabi-e-Kareem (Sallalaho alehe Wassallam) ne is se bhi kahin Ajeeb tar Khabren di hain (Yani Ghaib ki khabren di hain),

Kyon k Hazrat Eesa (aleh Salam) to yahi batlaatey they k log ghar ki deewari k peechey kiya khatey aur kiya chor kar aatey hain, magar Nabi-e-Kareem (Sallalaho Alehe Wassallam) ek Maah (Month) ya is se bhi ziyadah Musaafat par waaqey honey waaley Hawadis se aagahi de detay they,

jaisay AAP ne nijaashi k Wisal aur Gazwa-e-Mo’ta me Zaid Jaafer aur Abdullah Bin Rawah (Razi ALLAH Anhum) ki shahadat ki it’tala di, baaz auqaat AAP k pass koi shakhs kuch puchney aata to AAP farmaatey agar tum chaho to mai tumhen batla doon k tum kiya sawal karna chahtey ho”

Refrenc

Dalael un Nabuwwah-tul-abi Na’eem Asfahaani Urdu, Page no 551 to 552, Matboo’a Ziya ul Quran Publications Lahore..

🔛Continue"

*📝SUNNI HANFI ORGANIZATION*

👑👑👑👑👑👑👑👑👑👑

*🏁MASLAKE AALA HAZRAT 🔴*