23

🏁🔴🏁🔴🏁🔴🏁🔴🏁🔴

*🥀"ILM-E-GHAIB"🥀*

Part 23

Aayat 19.

  فلا یظھر علی غیبہ احد الا من ارتضی من رسول۔ 

Tarjuma: "Tu Apne GHAIB par kisi ko Musallat nahin karta siwae apne Pasandeedah Rasoolon k

"Parah 29, Surah 72, Aayat 26"

Tafseer-e-Kabeer me isi Aayat k Tahet hai: Tarjuma: “Yani Qayamat k aaney ka waqt un Ghaibon me se hai jis ko ALLAH TA’ALA kisi per zaahir nahin farmaata, pas agar kaha jaawey k jab tum ne is Ghaib ko Qayamat per Mehmool ker liya to ab Rab Ta’ala ne kesay farmaya,“magar Pasandeedah Rasoolon ko” halaankey yeh Ghaib to kisi par bhi zaaihr nahin kiya jaata, to hum kahengey k Rab Ta’ala Qayamat k Qareeb zaahir farmaawey ga”

Refrence.

Tafseer-e-Kabeer, Jild 10, Page 678, Matboo’a Dar ul Ehya ut Turas ul Arabi, Beroot..

Tafseer Azeezi me Isi Aayat k Ma Tahet, Page no 173 pe hai:

Tarjuma: "Jo cheez Tamaam MAKHLOOQAAT se Gayab ho, Woh Gayab-e-Matlaq hai, jayse Qayaamat k Aane ka Waqt, aur Rozaana aur har cheez ki Pedaaishi aur Shar'ai Eh'kaam aur Jayse Parwardigaar ki Zaat-o-Siffaat Bar Tareeq tafseel,

is Qisam ko RAB TA'ALA ka Khaas GHAIB kehtey hain.

Pas Apne Khaas GHAIB par woh kisi ko Matle'a nahin karta, Is k Siwa Jis ko pasand farma de, aur Woh RASOOL hotey hain, chahey Farishtey ki Jinse hon ya INSAAN ki jinse, Jayse HAZRAT MUHAMMAD MUSTAFA (Sallalaho Alehe Wassallam) ko Apne Ba'az GHAIB Zaahir farmata hai". 

Tafseer-e-Khaazan me isi Aayat k ma Tahet hai: Tarjuma: "Siwaye is k Jis ko apni Nabuwat aur Risaalat k liye Chun liya, pas Zaahir farmata hai, jis par Chahta hai GHAIB, Taa k inki Nabuwat par Daleel pakri Jaaway,

in GHAIB ki cheezon se jis ki woh Khabar detey hain,

Pas yeh in ka Mojaza hota hai"

Refrence.

(Al-baab ut Taaweel, Fi Maani-u-Tanzeel Ul Maaroof, Tafseer-E-Khazan, JILD 4, Page 319, Matboo'a Darul Ma'arfah Beroot)

ROOH Ul BAYAAN me yahi Aayat:

Tarjuma: "Ibn-E-SHIEKH ne farmaya k RAB TA'ALA is GHAIB par jo is se khaas hai, kisi ko Matle'a nahin farmata siwae burgazeedah RASOOL k aur jo GHAIB k RAB se KHAAS nahin, us par Ger RASOOL ko bhi Matle'a farma deta hai"

Refrence.

Tafseer ROOH Ul BAYAAN, JILD 10, Page 236, Matboo'a Darul Haya, Beroot.

Is Aayat aur In Tafaseer se Maaloom huwa k KHUDA TA'ALA apne Pasandeedah RASOOLON ko ILM-E-GHAIB Ata karta hai.. 

Aur Sab se Ziyadah MEHBOOB ALLAH k Nazdeeq, HAZRAT MUHAMMAD MUSTAFA (Sallalaho Alehe Wassallam) hain.

to jo Bad Aqeedah log,HUZOOR

(ALEH SALAAM) ki Shaan kam karne ki koshish karte hain.. unko ALLAH TA'ALA k Azaab se darna chahiye.

🔛Continue"

*📝SUNNI HANFI ORGANIZATION*

👑👑👑👑👑👑👑👑👑👑

*🏁MASLAKE AALA HAZRAT 🔴*